“Ons stelsel van akteregistrasie het as ‘n negatiewe stelsel ontwikkel; prima facie dui dit vir jou aan wie die geregistreerde eienaar van eiendom is, maar dit dien nie as absolute waarborg van die korrekte registrasie van eienaarskap oor eiendom nie.” (Vertaalde opsomming uit die eerste uitspraak hieronder.)
In ons daaglikse omgang en praktyk steun ons geredelik op titelaktes soos wat dit in die Aktekantoor geregistreer is, vir positiewe bevestiging van eienaarskap van vaste eiendom. Twee belangrike uitsprake van die Hoogste Hof van Appèl wys egter die teendeel aan ons uit.
|