Repatriasie van opbrengs van verkoop van eiendom gefinansier deur buitelandse fondse.
We recently had an enquiry from a South African expatriate wishing to find out to what extent she could move the proceeds of the sale of a property in South Africa, which she owns jointly with her ex-husband. Her portion of the property was acquired with funds that emanated from a foreign source and she did not use any locally sourced loan capital.
Die algemene reël in sodanige gevalle is dat die netto opbrengs vanuit die verkoop van die eiendomme, tesame met enige wins wat die eienaar met die verkoop daarvan toegeval het, ingevolge Suid-Afrikaanse Valutabeheer-regulasies, soos uitgevaardig deur die Reserwe Bank, na die land van oorsprong gerepatrieer kan word.
Enige repatriasie is natuurlik onderhewig aan die vereistes ten opsigte van kapitaal-wins terughouding wat aan die Suid-Afrikaanse Inkomstediens oorbetaal moet word. (Vir ‘n breedvoerige bespreking van hierdie vereistes kan die leser verwys na ‘n artikel deur ons kollega, Sonja Janse Van Rensburg, met die titel “Revisiting Withholding Tax: The Pitfall & Penalties”, deur op die naam van die artikel te klik.
Sou ‘n nie-inwoner egter die eiendom besit saam met 'n Suid-Afrikaanse inwoner, soos in die geval van ons betrokke navraag, sal slegs haar gedeelte gerepatrieer mag word en dit sal beperk wees tot die bedrag wat bewys kan word as inderdaad afkomstig vanuit 'n buitelandse bron plus die wins op daardie gedeelte.
Agente en aktebesorgers behoort dus hul buitelandse kopers te maan om alle transaksie-kwitansies, 'n afskrif van die koopooreenkoms, tesame met die aktebesorger se finale staat van alle koste, bewaar word vir ten minste die duur van eienaarskap, aangesien dit op aanvraag aan die Reserwebank voorgelê sal moet word, wanneer die opbrengs na die buiteland gerepatrieer moet word. Beveel dus aan dat die koper ook verseker dat die bank, wat die invloei van die buitelandse kapitaal, as agent van die Reserwe Bank gefasiliteer het, versoek word om daardie inligting op die titelakte van die eiendom te endosseer, vir maklike verwysing. Dit vergemaklik die repatriasie van die fondse en wins wanneer die eiendom eendag verkoop word.
‘n Ander kwessie vir agente en aktebesorgers om in gedagte te hou, is om hul kliënt daarop te wys, dat waar die aankoop van die eiendom deur die buitelander gedeeltelik gefinansier was deur fondse wat in Suid-Afrika geleen word, sal daardie gedeelte van die koopprys nie gerepatrieer mag word nie, tensy die verband reeds ten volle vereffen is nie. Dit is dus ook belangrik om daarop te let dat alle terugbetalings te vermindering van die verbandskuld, slegs in ag geneem sal word indien dit afkomstig was vanuit 'n buitelandse bron, of vanuit huur- of rente-inkomste gegenereer deur 'n kapitaalbate, wat self sodanig befonds was.
Groete / Regards
Hennie, Eberhard & Cheryl-Anne
