Nuwe Verwikkelinge By VZK
Ons firma se doel voor oë was nog altyd om volgehoue, uitmuntende diens aan ons kliënte te lewer en in lyn hiermee het daar onlangs die volgende skuiwe rondom ons professionele personeel plaasgevind:
Hennie Van Zyl (B.Proc - Prokureur, Notaris & Aktebesorger) het op 1 Maart 2022 uitgetree as direkteur en bly aan by ons firma as Uitvoerende Konsultant. Hennie is ‘n uitstekende prokureur wie se ondervinding, kundigheid en kennis steeds ‘n groot bate vir ons firma is.
Andre Van Greunen (B.Proc.LLB.LLM - Prokureur, Notaris & Aktebesorger) is sedert 1 Mei 2022 aangestel as Direkteur van ons firma. Ons verwelkom Andre en sien uit daarna om met sy hulp ons firma tot nuwe hoogtes te neem.
Hoe Om Te Werk Te Gaan Om ‘n Inter Vivos Trust Te Beëindig
We have recently been requested from clients to terminate or deregister a family trust for which there is no further need or function. What follows is a short explanation of what actions are to be taken when terminating or deregistering a trust in South Africa.
Die registrasie van alle tipes trusts word in Suid-Afrika vanaf staatsweë beheer deur die Departement van Justisie en Grondwetlike-aangeleenthede kragtens die Wet op Beheer oor Trustgoed (Wet 87 van 1988) [Trust Property Control Act 1988]. Die voormelde wet maak nie voorsiening vir die formele beëindiging van trusts nie, maar ‘n gevestigde praktyk het egter oor tyd ontstaan. Die kantoor van die Meester van die Hoë Hof, vir die gebied waarbinne die trustgoed geleë is en waaruit die aanvanklik magtigingsbrief ten gunste van die trustees uitgereik was, sal genader moet word met die versoek om die trust te beëindig.
Alvorens daar tot sodanige versoek oorgegaan word, moet daar in die eerste plek seker gemaak word dat die versoek nie strydig sal wees met enige van die bepalings van die geregistreerde trustakte nie. Almal wie betrokke is by die administrasie van trust, wie onder meer die oprigter, trustees en begunstigdes insluit, moet ook toestem tot die beëindig van die trust, tensy die trustakte anders bepaal.
Algemeen gesproke, vereis trustaktes gewoonlik dat die bates by beëindiging van die trust aan die benoemde begunstig oorgemaak moet word. Die trustakte kan ook onder andere vereis dat die bates óf na verloop van ‘n sekere termyn, óf by die plaasvind van ‘n sekere gebeurtenis, óf die bereik van ‘n bepaalde oogmerk, óf in die absolute diskresie van die trustees, òf by wyse van ‘n resolusie deur alle begunstigdes, aan die begunstigdes oorgemaak moet word. Maak dus seker dat daar aan die voorgeskrewe vereistes voldoen is, of aan die vereistes voldoen kan word.
Indien daar aan sodanige vereiste voldoen is, of kan word, kan die betrokke Meester van Hoë Hof genader word met die versoek dat die trust formeel beëindig word, welke versoek onder andere vergesel sal moet word met die volgende oorspronklike dokumentasie:
- Die laaste formele magtigingsbrief wat die aanstelling van die huidige trustees bevestig.
- ‘n Resolusie onderteken deur alle trustees wat bevestig dat trust op daardie stadium nog aktief, maar dormant is, en dat alle bates wat onder beheer van die trustees was aan die begunstigdes oorgemaak is ooreenkomstig die trustakte. Die trustees moet ook verder bevestig dat die trust se bankrekening ‘n nul balans getoon het toe dit gesluit is.
- Die finale bankstaat teen sluiting van die rekening.
- Bewyse dat die begunstigdes hul onderskeie voordele uit die trust ontvang het.
- 'n Beëdigde verklaring deur die trustees wat bevestig dat die trust geen bates meer besit nie.
By ontvangs van bogenoemde dokumente sal die Meester die trust deregistreer.
Die begunstigdes van die trust moet ook kennis neem dat daar moontlik belastingimplikasies vir die begunstigdes mag wees wat ontstaan in die jaar wat die trust beëindig word.
Groete / Regards
Eberhard, Cheryl-Anne, Andre & Hennie
