Egskeiding kan 'n duur en traumatiese proses wees. As jy en jou gewese eggenoot na jul egskeiding steeds mede-trustees van jul gesinstrusts is, mag jy jou dalk binnekort in ‘n onhoudbare situasie bevind.

In 'n egskeiding wat onlangs in die hooggeregshof aangehoor is, het die voormalige gades beide aansoek gedoen om die ander een as trustee van die trusts te laat verwyder. In die uitspraak het die hof gehandel met 'n trustee se pligte, of 'n trustee onpartydig moet wees, en ook die gronde waarop ‘n hof 'n trustee sal verwyder.

Die Regspersoon van ‘n deeltitelkompleks, probeer om die deeltitelskema behoorlik te bestuur. ‘n Weerstandige eienaar weier om toegang tot sy eenheid aan die regspersoon te gee, wat probeer om 'n waterlekkasie in die skema op te spoor.

Ons kyk na hierdie geval wat onlangs in die hooggeregshof aangehoor en bereg is.

Hier het die eienaar van die betrokke eenheid eers op die laaste oomblik die nodige toegang aan die regspersoon verleen. Die eienaar het sy aanspreeklikheid vir die aangaan van die regspersoon se regsonkostes probeer ontduik, deur die geldigheid van die regspersoon se resolusie aan te val, wat opeenvolgend deur die onderskeie trustees goedgekeur is (“round robin”).

Die hof eindig ook met 'n sinvolle vermaning om eerder die Gemeenskapskema se Ombuddiens te nader met hierdie tipe dispute, as om hierdie sake in die Hooggeregshof te wil litigeer. 

Dit bly ‘n hardnekkige mite dat jy in Suid-Afrika nie aan 'n mondelinge ooreenkoms gehou kan word nie. In werklikheid is die teenoorgestelde waar. Daar is ‘n paar uitsonderings, maar in beginsel is mondelinge ooreenkomste ten volle geldig en afdwingbaar. Kontrakte hoef dus, met enkele uitsonderings na, nie neergeskryf en onderteken te word om geldig en afdwingbaar te wees nie.

Ons kyk na daardie beperkte klas van mondelinge ooreenkomste wat nie bindend sal wees nie. Ons beklemtoon dat jy altyd versigtig moet wees as jy mondelings tot ‘n ooreenkoms wil instem. Ons hanteer vier baie goeie redes waarom jy eerder ‘n “mondelinge kontrak” moet vermy.

Die aanvanklike beperkings wat die pandemie meegebring het, word toenemend om ons opgehef en afgestel. Besighede het regoor die wêreld aangepas en werkers het toenemend virtueel begin werk. Nou moet die besighede besluit hoe hulle die toekoms gaan hanteer. Kom almal terug kantoor toe of gaan almal steeds virtueel hul dienste verrig. 'n Toenemende aantal besighede en professionele mense kies vir een of ander hibriede model. Dit hou ooglopende voordele in, maar dit bring ook groot uitdagings mee.

Een van hierdie uitdagings is die risiko om 'n samebindende maatskappykultuur, wat dalk oor jare en selfs oor dekades van saamwerk en gedeelde werksomgewings opgebou is, te verloor.

Lees gerus PwC se voorstelle hieroor “Three ways to prevent hybrid work from breaking your company culture” hier vir 'n paar idees om hierdie risiko te verlaag.