Jou testament is ‘n belangrike deel daarvan om seker te maak dat jou geliefdes finansieel sal kan aangaan as jy nie meer hier is nie. Dit is daarom noodsaaklik dat jou testament geldig is en dat dit jou wense akkuraat verwoord.

Dit is moontlik dat jy een of meer van jou voorgenome erfgename per ongeluk kan diskwalifiseer om te erf. Ons bespreek hierdie gevaar, en die wet en die praktiese aspekte hiervan, in die konteks van 'n hooggeregshofsaak tussen 'n oorledene se kinders uit twee verskillende huwelike.

Hierdie geval onderstreep weereens waarom jy jou testament deur 'n professionele persoon moet laat opstel.

Vir sommige werkgewers beteken 'n oneerlike werknemer voorraad wat verdwyn, interne bedrog en dies meer. Vir ander is daar 'n bykomende risiko – om deur ‘n klant of kliënt gedagvaar te word van wie die werknemer gesteel het.

In een so 'n saak wat in die Hoogste Hof van Appèl geëindig het, is 'n verspreidingsagent gedagvaar vir R4,5 miljoen nadat sy oneerlike werknemer ingevoerde skootrekenaars by 'n lughawe-pakhuis opgelaai het en spoorloos daarmee verdwyn het.

As iemand na aan jou beheer oor hul besteding verloor, begin om hul geld en eiendom roekeloos te verkwis, en in die proses hulself en hul afhanklikes in gevaar stel om behoeftig te word, kan jy dit oorweeg om die Hooggeregshof vir hulp te nader.

Mits jy voldoende redes daarvoor verskaf, kan die Hof daardie persoon as 'n "verkwister " verklaar. Die Hof stel dan 'n kurator bonis aan om na daardie persoon se geldsake om te sien.

“Avoiding a decision is itself a decision … probably the wrong one”

Besluite, besluite – ons bestee daagliks hope tyd aan die neem van besluite. Die meeste daarvan is gering, maar elke nou en dan is daar ‘n groot, belangrike besluit wat geneem moet word. Dit is dalk iets soos "Moet ek uit my 9-tot-5 werk bedank en daardie bakkery begin waarvan ek nog altyd gedroom het?" of "Moet ons die huis verkoop en kus toe trek?" of selfs “Moet ons onderneming op die JSE noteer?”.

Ongeag watter moeilike besluit vir jou wag, onthou dat uitstel die makliker uitweg is, maar die meeste van die tyd is dit nie die verstandige keuse nie. Pak liewer die bul by die horings met die Nege Sleutelpunte in Psyche se artikel oor hoe om ’n moeilike besluit te neem “How to make a difficult decision” hier.

Uit die HAT:

Kurator  1. hoof van ‘n kunsgalery, museum of dieretuin 2. persoon wat aangestel is/word om die sake te behartig van iemand wat onder kuratele gestel is. 3. lid van ‘n raad van toesig oor ‘n inrigting.     

Verkwis ww. Oordadig uitgee; op onvoordelige wyse gebruik; vermors; verspil: geld en goed verkwis.