Meningsverskille tussen trustees oor hoe om die trust en trustbates te administreer en te bestuur, sal noodwendig van tyd tot tyd tussen trustees ontstaan. Indien daardie meningsverskille egter in so ‘n mate eskaleer dat die trustees nie langer kan saamwerk nie, en indien pogings om ‘n trustee op ‘n vreedsame wyse te verwyder, misluk, mag dit nodig wees om die Hooggeregshof te nader om ‘n trustee te verwyder.
Wie is by magte om so ‘n aansoek by die hof te doen? En wat sal jy moet bewys vir jou aansoek om sukselvol te wees? Ons bespreek die bepalende toets, soos toegepas in ‘n onlangse aangeleentheid in die Appèlhof. Hier was daar aansienlike bates betrokke, en aantygings van kriminele en onderdrukkende gedrag, vendettas, en botsings van belange was aan die orde van die dag.
|