Werkgewers en werknemers behoort vertroud te wees met die konsep van "konstruktiewe ontslag" en moet dit goed verstaan. Dit is belangrik omdat ons arbeidswette bepaal dat 'n "bedanking" in sekere omstandighede in werklikheid op “ontslag” of “afdanking" kan neerkom. Indien dit die geval is, kan dit ‘n probleem vir die werkgewer wees, tensy die ontslag in alle opsigte billik was.

Ons kyk na 'n onlangse arbeidshofsaak vir duidelikheid hieroor. Ons kyk na die geval van ‘n werknemer wat vir baie jare in diens van ‘n bank was. Hy dui aan dat hy bedank het as gevolg van ondraaglike werksomstandighede by die bank wat oor jare gestrek het. Die relevante vrae wat beantwoord moet word, is die volgende: "Wat is konstruktiewe ontslag?", "Wie moet dit bewys?" en "Wat moet bewys word?".

Die MTI-likwidasie is weer in die nuus, hierdie keer met die likwidateurs wat terugbetaling eis van beleggers wat daarin geslaag het om hul geld uit te kry voor die maatskappy se ineenstorting.

Ons kyk na die algemene mite dat vroeë beleggers wat hul geld betyds uit 'n piramide of ponzi -skema verkry, "wenners" is en nie, soos die meerderheid, hul belegging kwyt is nie.

Individue en spesiale trusts sal baat vind by inflasiegekoppelde aanpassings wat in die 2024 Begroting voorgestel is.

Om jou te help om die veranderinge aan Hereregte, Inkomstebelastingkoerse en Aftreebelasting te verstaan, deel ons beide die amptelike belastingtabelle en 'n skakel na Fin 24 se begrotingsakrekenaar (volg die vierstap-proses om jou eie berekening te doen).

Die Nasionale Minimumloon (NMW) vir elke “gewone uur gewerk” is vanaf 1 Maart 2024 met 8,5% aangepas van R25-42 na R27-58.

Huiswerkers: As ons voorsiening maak vir 'n werkmaand van 21 dae x 8 uur per dag dan werk R27-58 per uur uit op R220-64 per dag of R4,633-44 per maand. Die Lewende Loon- sakrekenaar sal jou help om te kyk of jy jou huishulp werklik genoeg betaal om 'n huishouding se “minimum behoeftes” te dek (jy kan die “Aannames” in die sakrekenaar aanpas om te verseker dat die syfers wat gebruik word op datum is).

“Prima facie”

Hierdie term beteken "op die oog" of "met die eerste oogopslag". Dit word dikwels in wetgewing en in kontrakte gebruik om te bepaal dat 'n dokument op die oog af bewys lewer van die feite wat daarin opgeteken is, in die afwesigheid van bewyse tot die teendeel. Algemene voorbeelde hiervan sal 'n geboortesertifikaat wees of 'n sertifikaat van ‘n bankbalans of ‘n bankstaat wees. Dit kan ook van toepassing wees op getuienis wat in 'n verhoor gegee word, onderworpe aan teenspraak. Prima facie getuienis kan dus as korrek aanvaar word, tensy daar bewyse tot die teendeel aangebied word.