Daardie boksies wat jy op die internet moet aanvaar voordat jy kan verder gaan is daar vir ‘n rede. Of jy nou aanlyn is om ‘n fiets te koop, of ‘n subskripsie vir ‘n nuusdiens of tydskrif, of toegang tot dienste of inligting op ‘n webwerf wil bewerkstellig – moet jy instem tot die diensverskaffer se terme en voorwaardes. Ons is al gewoond om blindelings te aanvaar dat dit reg is so, maar ‘n onlangse saak in die Hooggeregshof wys daarop dat die voorwaardes bindend is. 

Ons kyk na die geval van ‘n aanlyndobbelaar wat baie opgewonde was omdat hy oënskynlik R5 miljoen gewen het. Totdat hy verwys is na die terme en voorwaardes van die webblad wat uitdruklik bepaal dat enige uitbetaling tot die bedrag van R1 miljoen beperk sal word.

Die streng vereistes van POPI (die Wet op Beskerming van Persoonlike Inligting) is nog nie in werking nie, maar daar is reeds ‘n plig om persoonlike inligting te beskerm. 

Onlangs het ‘n versekeraar vir Koning Goodwill Zwelithini gebel om hul produkte aan hom te bemark. ‘n Opname van die oproep is op sosiale media versprei, wat weer aanleiding gegee het tot dreigemente van verdere hofsake. 

Die Europese Unie het ook hul GDPR (“General Data Protection Regulation”) wat van 25 Mei 2018 op sommige Suid-Afrikaanse besighede van toepassing sal wees.

Wat is die BTW koers wat van toepassing is op eiendom wat jy gekoop het of verkoop het voordat die koers op 1 April van 14% na 15% styg?

Hier kan nogal baie ter sprake wees. Indien jy byvoorbeeld ‘n eiendom van ‘n ontwikkelaar gekoop het vir R10 miljoen plus BTW, kan daardie bykomende 1% ‘n verdere R100,000 by jou kostes sit.  

Kom ons kyk na wat SARS hieroor te sê het. Ons kyk ook na ‘n bepaling in die BTW Wet wat ‘n mate van verligting vir kopers van residensiële eiendom inhou.