Kan dit weliswaar alreeds weer tyd wees vir die “Feesseisoen”? Dit voel dan soos gister dat ons die begin van ‘n splinternuwe 2018 gevier het...

Die realiteit is natuurlik dat jaareinde nou net om die draai is. Vir baie werkgewers beteken dit ook snelgroeiende verwagtinge van ‘n jaarlikse bonus.

Ongelukkig sal nie elke besigheid in staat of gewillig wees om hul maandelikse salarisrekening te verdubbel om aan hierdie verwagtinge te voldoen nie. Elke jaar rondom hierdie tyd word die KVBA oorstroom met dispute wat hieruit spruit. Ons bespreek die vraag of werkgewers outomaties regtens verplig word om bonusse te betaal. Ons stel ook drie stappe voor wat beide werkgewers en werknemers kan volg ten einde ongelukkigheid en argumente oor jaarlikse bonusse te vermy.

Hetsy ‘n onderhouds-wanbetaler of ‘n algemene skuldenaar geld aan jou verskuldig is,   bied ons reg aan jou ‘n reeks invorderingsopsies.

Een daarvan is ‘n aansoek vir sekwestrasie. Dit bly ‘n drastiese stap. Dikwels sal ‘n skuldenaar probeer om te betaal, anders verloor hy/sy beheer oor sy/haar eie sake. 

Wat moet jy bewys ten einde met so ‘n aansoek suksesvol te wees? Hoe bewys jy dat die skuldenaar werklik insolvent is? Ons kyk na ‘n uitspraak van die Hooggeregshof ter illustrasie. Hier het ‘n ma met ‘n eis vir agterstallige onderhoud van R228,000 geslaag met haar aansoek vir sekwestrasie teen haar voormalige man.

Jy word in ‘n vreemde land gearresteer en word meegedeel dat jy die plaaslike wette oortree het. Tronkstraf, of erger, staar jou in die gesig.

“Jammer, maar ek het heeltemal onskuldig opgetree” protesteer jy, “dit is wettig in Suid-Afrika; ek het glad nie besef dat dit hier anders werk nie.” “Dis geen verskoning nie” antwoord die strakke wetstoepassingsbeampte, “jy moes uit jou eie uit vasgestel het wat ons plaaslike wette en gebruike bepaal voordat jy hierheen gekom het.”

‘n Amptelike waarskuwing van ons regering om juis dit te doen het gevolg nadat ‘n Suid-Afrikaanse dwelmsmokkelaar in Vietnam die doodstraf opgelê is. Ons bespreek hoe die waarskuwing op elkeen van ons toepassing vind, nie net op dwelmsmokkelaars nie, die gevare van onkunde, en hoe om jouself teen inhegtenisneming en vervolging te beskerm. 

Ons is blykbaar oppad om ten minste ‘n jaar of twee van moeilike ekonomiese omstandighede te beleef. Klein sake-ondernemings het een belangrike voordeel teenoor groter mededingers – hul grootte hou hulle rats. Dit beteken dat klein ondernemings meer geredelik by veranderende omstandighede kan aanpas, wat hulle in ‘n posisie plaas om die geleenthede wat met verandering en uitdagings gepaardgaan, met beide hande aan te gryp.

Hier is ‘n paar goeie en praktiese idees oor hoe om daarmee te begin – “6 ways SA small businesses can survive the dire economy - which may last until 2020” is beskikbaar op BusinessInsider.

© DotNews.  All Rights Reserved.